Mars Overseas Baku LTD yerli bazarda geniş məhsul çeşidinin distribusiyası və satışını həyata keçirir.
Öz uğurlu fəaliyyətinə 1999-cu ildə başlayan Mars Overseas, dünyanın aparıcı şirkətlərindən biri olan “Pepsico” ilə tərəfdaşlıq müqaviləsi bağlamışdır.
Bu müqavilə əsasında Mars Overseas, Pepsico məhsullarının Azərbaycanda müstəsna istehsal və satış hüququna sahib olmuşdur.
Şirkətin əsas fəaliyyəti meyvə şirələri, qazlı və qazsız içkilər, kompotlar və qəlyanaltıların satışını əhatə edir və Pepsi, Mountain Dew, Lays, Jalə, Natura, Mia, Bağdan kimi tanınmış brendləri ilə geniş məhsul portfelinə malikdir.
Mars Overseas müasir distribusiya bazarında geniş çeşidli məhsulların paylanmasını təmin edən etibarlı və peşəkar tərəfdaş kimi tanınır. Şirkət həm yerli, həm də beynəlxalq səviyyədə keyfiyyətə sadiqliyi və müştəri yönümlü yanaşması ilə fərqlənir. Peşəkar komanda, geniş logistika şəbəkəsi və tətbiq etdiyi müasir texnologiyalar sayəsində məhsulların təhlükəsiz, vaxtında və optimal şəraitdə müştərilərə çatdırılmasını təmin edir.
Cəmiyyətimizə və ətraf mühitimizə dair uzunmüddətli, sağlam investisiyalar qoymaq, xalqımıza yüksək keyfiyyətli, ekoloji cəhətdən təmiz və təbii məhsullar təqdim etmək, və Azərbaycan məhsullarını qlobal bazarda tanıtmaqdır. Enerji və su ehtiyatlarının qorunması üçün innovativ həllər tətbiq etməklə yanaşı, əməkdaşlarımıza mükəmməl iş mühiti yaratmaq əsas prioritetlərimizdəndir.
Ətraf mühiti qorumağa önəm verərək, istehlakçılarımıza, müştərilərimizə, əməkdaşlarımıza və səhmdarlarımıza dəyər qatan, onlarda təbəssüm və həyat sevincini ilhamlandıran bir qurum olmaqdır.
Spirtsiz içki kateqoriyasında sürətlə böyüyən və bazarda lider mövqeyə sahib bir şirkət olmaqdır.
Sosial və ekoloji məsuliyyətlərimizi hər zaman ön planda tutan və bu dəyərləri bütün kommersiya qərarlarımızın əsasına yerləşdirən bir korporativ kimlik yaratmaqdır.
İstehsal prosesi bütün ekoloji, sanitar-gigiyenik və təhlükəsizlik normalarına uyğun olaraq “Qəbələ Konserv Zavodu”, “Lənkəran Konserv Zavodu”, “Quba Konserv Zavodu” istehsal müəssisələrində aparılır və beynəlxaq standartlara tam cavab verir. Hal-hazırda bu zavodlarda bir çox adda məhsul istehsal edilir. Onların arasında “PEPSİ”, “MIRINDA”, “MOUNTAIN DEW”, “7UP”, “JALƏ”, “ЗОЛОТОЙ САД” “NATURA”, “MIA” və “I’M TEA” əsas brendlər sayılır.
2007-ci ildən etibarən fəaliyyət göstərən Qəbələ Konserv Zavodu, Azərbaycanın qabaqcıl texnologiyalarına malik müasir istehsal müəssisələrindən biridir.
Zavod, 16 hektarlıq ərazidə yerləşir və iki böyük istehsal sahəsinə malikdir. Burada ümumilikdə 436 daimi və 80 mövsümi işçi çalışır. Zavodda meyvə şirələri, nektarlar, meyvə konsentratları, qazlı və qazsız sərinləşdirici içkilər istehsal olunur. Məhsullar həm yerli, həm də beynəlxalq bazarlarda yüksək tələbatla qarşılanır. Müasir avadanlıqlarla təchiz edilmiş müəssisədə illik 30 min ton meyvə emalı və 90 min ton meyvə şirəsi istehsalı həyata keçirilir.
Zavodda Jalə, Zolotoy Sad, Natura, Mia, I’m tea, Natura, Mood kimi markaların məhsulları istehsal edilir.
Quba konserv zavodu 1927-ci ildən etibarən fəaliyyət göstərir. Quba konserv zavodu, Azərbaycanın ən qədim və etibarlı konserv müəssisələrindən biridir.
11 hektarlıq ərazidə yerləşən zavod qatılaşdırılmış alma şirəsi, meyvə və giləmeyvə mürəbbələri, tərəvəz turşuları və qəlyanaltılar istehsal edir. Zavod Almaniya, İsveçrə, Türkiyə və Rusiya istehsalı olan müasir avadanlıqlarla təchiz edilmişdir və illik 25 000 ton alma və 5000 ton tərəvəz emalı gücünə malikdir.
Məhsullar əsasən yerli fermerlərdən toplanan təbii kənd təsərrüfatı məhsullarından istehsal olunur və həm yerli, həm də beynəlxalq bazarlarda geniş tələbatla qarşılanır.
Lənkəran konserv zavodu 2010-cu ildə cənab prezident İlham Əliyevin iştirakı ilə rəsmi olaraq açılmışdır. Lənkəran Konserv Zavodu, Azərbaycanın meyvə və tərəvəz emalı sahəsində qabaqcıl texnologiyalara malik müəssisələrindən biridir. 9 hektarlıq ərazidə yerləşən zavod, həm yerli, həm də
beynəlxalq bazarlarda nüfuz qazanmış Bağdan markası adı altında kompot, şərbət, narşərab və tomat pastaları istehsal edir.
Zavodda 70 daimi və 120 mövsümi işçi çalışır. Zavodun məhsulları beynəlxalq sərgilərdə dəfələrlə medallarla və diplomlarla təltif olunmuşdur. Bu məhsullar, yerli bazardan başlayaraq MDB, Avropa, ABŞ, Asiya, Avstraliya və Yeni Zelandiya bazarlarına qədər geniş bir tələbatla satışa çıxarılır.
